Ontstaon

De Dröppelkes zeen onstânge op 14 Jannewari 2020, in de onstuimige corona-tieêd. De huidige Kanseleer vervaeldje zich, en kwaom op 't idee un jeugdige vereîniging op te richte, met 't doel de Wieërter wichter te motivieëre um de Wieërter vastelaovendj en 't plat kalle in laeve te haoje. Det woort toeën opgepaktj doeër 5 ângere, en dao nao kwaome langzamerhând de minse binne gevalle. De naam woor neet zoeë hieël mekkelijk, mer woor zoeë dao. Dröppelkes/Dröppels és un verwieëzing nao 't dialekt van un net wècht "Waat e dröpke!" zagte ze dan. Aangezeen de leden allemaol nogal joôngk zeen/woore, blieëf dae plekke. Doeër det de vereîniging groeëtendeils uut e vreendjegroep bestieët, en dao beej op fieëstjes de "nuuëdige versnaperinge" gedroônke waere kwaom dao de Dröppel d'r bee-j, en det maakdje 't complieët. 

2023

De ieërste 2 jaor haaje de Dröppelkes geîne Preens/Raod van Ellef, mer haaje ze waal al unne kieër unne preens uutgeroope (det woôr neet hun daadwêrkelijke 1e Preens) met de Kefee-Zaal Jonas, woeë 't "sirremonieële" gedaeldje vanne vereîniging pas echt ontstong. In november 2022 woôre de Raod, Vorst en Kanseleer uutgeroope, en in Jannewari 2023 de ieërste hoeëgheid: Stijn I

2024

In December 2023 kwoôm de ieërste groeëte tieëgeslaag, naodet in September det jaor al 't noôws kwoôm det Kefee-Zaal Jonas op Wieërt-Oeëst defenitief ging haaje de Dröppelkes un noôw oôngerkaome gevoônge in Vereînigingsgebâw de Luuëkerschans aanne Kaaskampweeg. Mer helaas woore heej de vergunninge neet vör goodgekuuërdj, en mos de vereîniging verkasse vör 1 jaor nao Kefee de Brouwer aanne Oelemerrêntj, woeë ze gellökig 1 jaor op ein gewêldjige locatie terecht kostte.

Al snel nao de Vastelaovendj van 2024 volgdje d'r gesprekke met de eigenare van Kefee de Moeësdiêk op Wieërt-Oeëst, woeë nao de vereîniging indj Mieërt kostte berichte det ze in 2025 terûgk gaon kieëre nao heur plaetske op Wieërt!